ඉන්දුනීසියාවේදී අත්අඩංගුවට ගනු ලැබු කෙහෙල්බද්දර පද්මේ ඇතුළු පාතාල කල්ලි සාමාජිකයන් පස්දෙනා, පැය 72 ක රැඳවුම් නියෝග මත ප්‍රශ්න කරන බව පොලිසිය පවසනවා.
අපරාධ පරීක්‍ෂණ දෙපාර්තමේන්තුවේ සහ බස්නාහිර පළාත් උතුර අපරාධ කොට්ඨාසයේ රඳවාගෙන ඔවුන්ගෙන් ප්‍රශ්න කෙරෙන බවයි සඳහන් වන්නේ.
මන්දිනු පද්මසිරි පෙරේරා නොහොත් කෙහෙල්බද්දර පද්මේ, කමාන්ඩෝ සලින්ද නොහොත් සලින්ද, නිර්මල ප්‍රසංග නොහොත් බැකෝ සමන්, නිලංග පෙරේරා නොහොත් පානදුරේ නිලංග සහ එදිරිසිංහ කංකානම්ගේ ලහිරු මධුෂාන් නොහොත් තැඹිලි ලහිරු යන අය මෙම සංවිධානාත්මක අපරාධ කල්ලි සාමාජිකයන් පිරිසට ඇතුළත්.
ඉන්දුනීසියාවේ ජකර්තා අගනුවර සිට යූ එල් 365 දරන ගුවන් යානයෙන් ඊයේ රාත්‍රී 7.20 ට පමණ ඔවුන් මෙරටට රැගෙන එනු ලැබුවා.
