ආසියානු කුසලාන ක්‍රිකට් තරගාවලියේ නිවේදක මඬුල්ලට ඉන්දීය වේග පන්දු යවන ක්‍රීඩක ජස්ප්‍රිත් බුම්රාගේ බිරිය සංජනා ගනේසන් ඇතුළත්ව සිටී. ඇය එක් අවස්ථාවක ක්‍රීඩා නිවේදිකාවක් ලෙස පෙනී සිටීමට ඉන්දීය රුපියල් ලක්ෂ 20ක අවම මුදලක් (ශ්‍රී ලංකා රුපියල් ලක්ෂ 68ක් පමණ) අය කරන බව පැවසේ.
ඉන්දියාවේ සංජනා ගනේසන් සමඟ පාකිස්තාන හිටපු ක්‍රිකට් ක්‍රීඩිකා උරෝජ් මුම්ටාස් හා ඉන්දීය හිටපු ටෙනිස් තරුවක් වූ තන්වී ෂා මෙවර ආසියානු කුසලාන ක්‍රිකට් තරගාවලියේ නිවේදක මඬුල්ලට ඇතුළත් වූ කාන්තාවෝ වෙති. එයට අමතරව සුනිල් ගවස්කාර්, රවි ශාස්ත්‍රී, සන්ජේ මන්ජකාර්, රොබින් උතප්පා, සයිමන් ඩූල්, වකාර් යුනුස්, වසීම් අක්‍රම්, රසල් ආනොල්ඩ්, රෂීඩ් ඛාන්, මයික් හෙයිස්මන්, මැට් ෆ්ලොයිඩ්, අතාර් අලි ඛාන් හා සමීර් තොච්චාර් යන ප්‍රවීණයෝ ද විස්තර ප්‍රකාශක කුටියේ සිටිති.
බුම්රාගේ බිරිය සංජනා ගනේසන් ක්‍රිකට් පිටියේ ඔහුගේ චතුර නිවේදිකාවක් මෙන්ම ප්‍රසිද්ධ මාධ්‍ය පෞරුෂයකි. සංජනා ගනේසන් ක්‍රීඩා මාධ්‍යවේදිනියකට අමතරව සහ රූපවාහිනී වැඩසටහන් ඉදිරිපත් කරන්නියකි. ඇය 2019 අයිසීසී ක්‍රිකට් ලෝක කුසලානය, 2020 කාන්තා විස්සයි20 ලෝක කුසලානය, 2023 කාන්තා ප්‍රිමියර් ලීගය, 2021 සහ 2022 විස්සයි20 ලෝක කුසලානය සහ තවත් බොහෝ ප්‍රධාන සිදුවීම් ආවරණය කර ඇත.
සංජනාගේ ඇස්තමේන්තුගත ශුද්ධ වටිනාකම රුපියල් කෝටි 8ක් පමණ යැයි ඉන්දීය මාධ්‍ය සදහන් කර සිටී. බුම්රා හා සංජනා යුවළගේ ඒකාබද්ධ ශුද්ධ වටිනාකම රුපියල් කෝටි 68ක් පමණ යැයි ගණන් බලා ඇත. ඔවුන්ගේ තනි ව්‍යාපාර සහ ඒකාබද්ධ ආයෝජනවලින් විශාල මුදලක් උපයා ගන්නා බව සඳහන් වේ.
1991දී පූනේහි උපත ලැබූ සංජනා ගනේසන්, ඉන්දීය හිටපු නිරූපිකාවක් ද වේ. ඇය නිරූපණ ක්ෂේත්‍රයේ 2013දී ෆෙමිනා මිස් ඉන්දියා පූනේහි අවසන් තරගකාරියක් බවට පත් වූවාය. 2021දී ඉන්දීය ක්‍රිකට් ක්‍රීඩක ජස්ප්‍රිත් බුම්රා සමඟ විවාහ වූ සංජනා අද ක්‍රිකට් විස්තර ප්‍රචාරක කුටියට නැතිවම බැරි කාන්තාවකි.