ශ්‍රී ලංකාවේ විදෙස් ශ්‍රමික ප්‍රේශන තවදුරටත් ඉහළ යමින් පවතින බව, ශ්‍රී ලංකා මහ බැංකුව ප්‍රකාශ කරනවා.
මැයි මස තුළ වාර්තා වූ අගය අමෙරිකානු ඩොලර් මිලියන 641 යි දශම 7 ක්. ඉකුත් වසරේ මැයි මාසය හා සැසදීමේදී ශ්‍රී ලංකාවේ විදෙස් ශ්‍රමික ප්‍රේශන ඩොලර් මිලියන 97 යි දශම 3 ක වර්ධනයක් පෙන්නුම් කර ඇති බවයි, මහ බැංකුව නිකුත් කළ නිවේදනයේ දැක්වෙන්නේ.
2024 මැයි මාසයේ එම අගය පැවතුණේ, ඩොලර් මිලියන 544 යි දශම 4 ක් ලෙසයි. මේ වසරේ මුල් මාස 5 තුළ විදෙස් ශ්‍රමිකයන්ගෙන් මෙරටට ලැබුණු මුදලේ වටිනාකම ඩොලර් මිලියන 3,102 යි දශම 2 ක් ලෙස වාර්තා වුණා. පසුගිය වසරේ මුල් මාස 5 තුළ එම අගය පැවතියේ ඩොලර් මිලියන 2,624 යි දශම 4 ක් ලෙසයි. ඒ අනුව, විදෙස් ශ්‍රමික ප්‍රේශන සියයට 18 යි දශම 2 කින් ඉහළ ගොස් ඇති බව, මහ බැංකුව සඳහන් කරනවා.
