අධික වේගයෙන් ධාවනය වු ත්‍රීරෝද රථයක් මාර්ගයෙන් ඉවතට පැන අඩි 100ක පමණ ප්‍රපාතයකට පෙරලීමෙන් එම ත්‍රිරෝද රථයේ ගමන් ගත් රියදුරා සහ පසුපස අසුනේ ගමන් ගත් තරුණයන් තිදෙනෙකු ඇතුලු සිව් දෙනෙක් බරපතල ලෙස තුවාල ලබා (29) දින නුවරඑලිය දිස්ත්‍රික් මහ රෝහල වෙත ඇතුලත් කල බවත්, එක් තුවාල කරුවෙකුගේ සුශුම්නාවට හානි සිදු වීම නිසා එම තුවාලකරු එම රෝහලේ දැඩි සත්කාර ඒකකයේ ප්‍රතිකාර ලබන බව ලිදුල පොලිසියේ නිළධාරියෙකු පැවසීය.
මෙම අනතුර සිදු වී ඇත්තේ (29) දින ලිදුල පොලිස් වසමට අයත් මෙරායා ඌවකැලේ වත්තේ ඉහළ කොටස ප්‍රදේශයේදීය.
අධික ලෙස බීමත්ව සිටි රියදුරා ඇතුලු ඔහුගේ මිතුරන් තිදෙනා එම වතුයායේ සිට ලිදුල මෙරායා නගරය දක්වා ත්‍රීරෝද රථය අධික වේගයෙන් ධාවනය කරවන අවස්ථාවේ ත්‍රීරෝද රථයේ වේගය පාලනය කර ගත නොහැකිව ත්‍රීරෝද රථය මාර්ගයෙන් ඉවතට පැන මෙම අනතුර සිදු වී ඇති බවත්, අනතුරින් ත්‍රීරෝද රථයටද දැඩි අලාභ හානි සිදු වී ඇති බවයි අනතුර පිලිබද පරීක්ෂණ පවත්වන ලිදුල පොලිසියේ රථවාහන අංශයේ නිළධාරියෙකු කියා සිටියේ.