ලක්ෂ 20ක අල්ලස් ලබාගත් සුරාබදු නිලධාරීන් 3 දෙනෙකු උතුරු පළාත් අපරාධ කොට්ඨාසය මගින් අත්අඩංගුවට ගෙන තිබෙනවා.
පොලිස් මත්ද්‍රව්‍ය කාර්යංශයේ නිලධාරීන් විසින් හෙරොයින් සන්තකයේ තබාගෙන සිටි සැකකරුවෙකු අත්අඩංගුවට ගෙන වංකානේ සුරාබදු කාර්යාලය අසල පිහිටි නිවසක රඳවා සිටින බවත්, එම සැකකරුට නීතිමය ක්‍රියාමාර්ග නොගෙන මුදාහැරීම සඳහා රු. ලක්ෂ 20ක මුදලක් ඉල්ලා සිටින බවට එම සැකකරුගේ සහෝදරියක විසින් ඊයේ (30) දින දහවල් උතුරු පළාත් අපරාධ කොට්ඨාසය වෙත පැමිණිල්ලක් ඉදිරිපත් කර ඇත.
සිද්ධිය සම්බන්ධව අදාළ කාන්තාව කළ පැමිණිල්ලකට අනුව සිදු කළ වැටලීමකදී අදාළ සැකකරුවන් පිරිස අත්අඩංගුවට ගෙන ඇත.
අත්අඩංගුවට ගත් තිදෙනා වයස අවුරුදු 48, 36, 32 වයස්වල පසුවන සුරාබදු ප්‍රධාන නිලධාරීවරයෙකු සහ සුරාබදු නියාමකවරුන් දෙදෙනෙක්.