හඟුරන්කෙත- රිකිල්ලගස්කඩ මාර්ගයේ අද අළුයම පහට පමණ තිබූ ආපදාවකට ලක්ව නවතා තිබූ ලොරි රථයක පිටුපස ත්‍රීරෝද රථයක් ගැටීමෙන් අනතුරක් සිදුව තිබෙනවා.
අනතුරින් එහි ගමන් ගත් පුද්ගලයින් සිව් දෙනෙකු තුවාල ලබා ඇත.
සිමෙන්ති තොගයක් පටවාගත් ලොරි රථයක් කිසියම් ආපදාවක් හේතුවෙන් මාර්ගය අසල නවතා තිබියදී හඟුරන්කෙත දෙස සිට ගමන් ගත් ත්‍රී රෝද රථයක් මෙම ලොරියේ පිටුපස ගැටී තිබෙනවා.
අනතුරින් ත්‍රීරෝද රථයට දැඩි හානි සිදුවී ඇති අතර රියදුරු බරපතල තුවාල ලබා රිකිල්ලගස්කඩ දිසා මූලික රෝහලට රැගෙන යාමට කටයුතු කළ බව ප්‍රදේශවාසීන් පවසනවා.
හඟුරන්කෙත පොලිසිය සිද්ධිය සම්බන්ධයෙන් වැඩිදුර පරීක්ෂණ පවත්වනවා.
