ඊශ්‍රායල ගුවන් ප්‍රහාරයකින් තම අගමැතිවරයා ජිවිතක්ෂයට පත්වු බව යේමනයේ හූති කැරලිකරුවන් තහවුරු කර සිටිනවා.
ඉකුත් බ්‍රහස්පතින්දා යේමනයේ අගනුවරට එල්ල වු ඊශ්‍රායල ප්‍රහාරවලින් තවත් ජ්‍යේෂ්ඨ නිලධාරින් කිහිපදෙනෙක්ද ජිවිතක්ෂයට පත් වු බවයි ඔවුන් වැඩිදුරටත් කියා සිටියේ.
යේමනයේ හූති පාලන තන්ත්‍රයෙහි අගමැති ලෙස ක්‍රියාකළ “අහමඩ් ගාලෙබ් නාසර් අල් – රහාවි” මෙම සතිය මුලදි එල්ල වු ඊශ්‍රායල ගුවන් ප්‍රහාරයකින් ජිවිතක්ෂයට පත්ව තිබෙනවා.
හූති කැරලිකරුවන් කියා සිටියේ ඉකුත් බ්‍රහස්පතින්දා යේමනයේ “සනා” අගනුවර ඉලක්ක කරගත් ඊශ්‍රායල ප්‍රහාරවලින් තවත් හූති ජ්‍යේෂ්ඨ නිලධාරින් කිහිපදෙනෙකු ජිවිතක්ෂයට පත්වු බවය.
තම බුද්ධි අංශ තොරතුරු මත ප්‍රහාරක ජෙට් යානා යොදාගනිමින් සිදුකළ ප්‍රහාර හමුවේ හූති අගමැතිවරයා ඇතුළු තවත් ජ්‍යේෂ්ඨ නිලධාරින් කිහිපදෙනෙකු මියගොස් ඇති බවට ඊශ්‍රායල හමුදාවද තහවුරු කළා.
යේමනයේ සිවිල් යුද්ධයක් ආරම්භ වීමෙන් පසු 2014 වසරේ සිට හූති කැරලිකරුවන් විසින් එරට වයඹ දිග කලාපයෙහි වැඩි කොටසක් පාලනය කරන බවයි වාර්තා වන්නේ.
“අහමඩ් ගාලෙබ් නාසර් අල් – රහාවි” ඉකුත් වසරේ අගෝස්තු මස සිට හූති පාලන තන්ත්‍රයෙහි අගමැති ලෙස ක්‍රියා කළ අතර, ඔහු එම සංවිධානයේ ප්‍රධානියෙකු ලෙස ද සැළකෙනවා.
