මහජන ආරක්ෂක හා පාර්ලිමේන්තු කටයුතු අමාත්‍ය ආනන්ද විජේපාල මහතාගේ යැයි හැඟෙන ව්‍යාජ ලෙස සකස් කරන ලද ඡායාරූපය හා ප්‍රවෘත්තිය දැඩි ලෙස ප්‍රතික්‍ෂේප කරන බව එම අමාත්‍යාංශය නිවේදනයක් නිකුත් කරමින් කියා සිටිනවා.
එකී ව්‍යාජ ඡායාරූපය සකස් කොට පළකළ පුද්ගලයන්ට එරෙහිව නෛතික පියවර ගැනීමට බලාපොරොත්තු වන බව ද එම නිවේදනයේ සඳහන්.
සංවිධානාත්මක අපරාධකරුවන් හා මත්ද්‍රව්‍ය මර්දනය කිරීම සඳහා විශේෂ මෙහෙයුම් ක්‍රියාත්මක වන විට සත්‍ය හා නිවැරදි තොරතුරු පමණක් ප්‍රචාරය කරන ලෙසයි මහජන ආරක්ෂක හා පාර්ලිමේන්තු කටයුතු අමාත්‍යාංශය දැනුම් දෙන්නේ.
සමාජ මාධ්‍ය හා අනෙකුත් මාධ්‍ය තුළ ව්‍යාජ පුවත් ප්‍රචාරය නොකරන ලෙස සියලුම මාධ්‍ය ආයතනවලින් මෙන්ම, සමාජ මාධ්‍ය පරිශීලකයින්ගෙන් ඉල්ලා සිටින බවද නිවේදනයේ සඳහන් වනවා.