ශ්රී ලංකාවේ දැනට ක්රියාත්මක මුදා ගැනීමේ සහ සහන මෙහෙයුම් සඳහා සහාය වීමට, හදිසි ආධාර රැගත් එක්සත් අරාබි එමීර් රාජ්යයේ (UAE) මානුෂීය සහන ගුවන් යානා දෙකක් ඊයේ (02) රාත්රී මෙරටට ළගා වුණා.
C-17 වර්ගයේ ගුවන් යානා මගින් ක්රියාත්මක වූ මෙම ගුවන් ගමන් මගින් මුදා ගැනීමේ බෝට්ටු දෙකක්, K9 වර්ගයේ සෝදිසි කිරීමේ සුනඛයින් හතර දෙනෙකු, ඩබල් කැබ් සහ SUV වැනි මුදා ගැනීමේ රථ, ට්රක් රථ සහ පුද්ගලයන් 53 දෙනෙකුගෙන් සමන්විත විශේෂ නාගරික සෙවුම් සහ මුදා ගැනීමේ (USAR) කණ්ඩායමක් ඇතුළු අත්යවශ්ය ආපදා ප්රතිචාර උපකරණ රැගෙන එන ලදී.
කොළඹ එක්සත් අරාබි එමීර් රාජ්ය තානාපති ඛලීඩ් නසීර් අල්අමේරි (H.E. Khaled Nasser AlAmeri) මහතා සහ එමිරේට්ස් සහන කණ්ඩායමේ ප්රධානී ආචාර්ය හමූද් අල්ෆාරි (Dr. Hamood Alafari) මහතා විසින් මෙම ආධාර තොගය නිල වශයෙන් ශ්රී ලංකා බලධාරීන් වෙත බාර දෙනු ලැබුවා.
ශ්රී ලංකා රජය වෙනුවෙන් විදේශ කටයුතු අමාත්යාංශයේ මැද පෙරදිග අංශයේ සහකාර අධ්යක්ෂිකාවන් වන ඉෂාරා ද සිල්වා සහ දිනුෂිකා දසනායක යන මහත්මීන් විසින් මෙම භාණ්ඩ තොගය භාර ගන්නා ලදී.
මෙම තීරණාත්මක හදිසි අවස්ථාවේදී එක්සත් අරාබි එමීර් රාජ්යය දක්වන කඩිනම් සහයෝගය පිළිබඳව මෙරට රජය සිය කෘතඥතාව පළ කර ඇත.
