පසුගිය නොවැම්බරයේ පැවැත්වෙමින් තිබූ අ.පො.ස උසස් පෙළ විභාගයේ අයහපත් කාලගුණ තත්වය හේතුවෙන් නොපැවැත්වූ විෂයයන් හෙට (12) සිට 20 වැනිදා දක්වා පැවැත්වීමට විභාග දෙපාර්තමේන්තුව කටයුතු කර තිබෙනවා. ඒ අනූව විභාග කටයුතු මධ්යස්ථාන 2,362කදී පැවැත්වීමට නියමිතයි.
එමෙන්ම, දැනට 12 ශ්රේණියේ අධ්යාපනය ලබන සිසුන් සඳහා පැවැත්වීමට නියමිතව තිබුණ ද අයහපත් කාලගුණික තත්වය මත කල් දැමූ සාමාන්ය තොරතුරු තාක්ෂණ (GIT) විභාගය අද (11) පැවැත්වෙනවා.
උසස් පෙළ කල් දැමූ විෂයයන් පැවැත්වීම සඳහා රජයේ හා රජයේ අනුමත පෞද්ගලික පාසල්වල ප්රථම වාරයේ පළමුවැනි අදියර පෙරේදා (9) අවසන් වූ අතර, ප්රථම වාරයේ දෙවැනි අදියර සඳහා පාසල් ආරම්භ වන්නේ ජනවාරි 21 වැනිදායි.