එක්සත් රාජධානිය යන රටවල පුරවැසියන්ට වීසා නොමැතිව චීනයට ඇතුළු වීම සඳහා එරට රජය අවසර ලබා දී තිබෙනවා.
ඔවුන්ට දින 30 ක් දක්වා කාලයක් චීනයේ රැඳී සිටිය හැකියි.
චීන විදේශ අමාත්යාංශය සඳහන් කරන්නේ, සංචාරක, ව්යාපාර හෝ පවුලේ අය සහ මිතුරන් හමුවීම සඳහා වීසා රහිත ප්රවේශය අවසර ලබා දෙන බවයි.
මෙම ක්රියාමාර්ගය මූලික වශයෙන් දෙසැම්බර් 31 වන දින දක්වා ක්රියාත්මක වනු ඇති.
බ්රිතාන්ය අගමැති සර් කීර් ස්ටාර්මර්ගේ ඉකුත් මස චීන නිල චාරිකාවෙන් අනතුරුව, මෙම නීති වෙනස් කිරීමට චීන ජනාධිපති ෂී ජින් පිං එකඟතාව පළ කර තිබෙනවා.
මේ පිළිබඳ නිවේදනය කරමින් චීනයේ විදේශ අමාත්යාංශය ඊයේ කියා සිටියේ, මෙම යෝජනා ක්රමය “චීනය සහ අනෙකුත් රටවල් සම්බන්ධ ජනතාව අතර හුවමාරුව තවදුරටත් පහසු කරනු ඇති” බවයි.
ලක්ෂ සංඛ්යාත බ්රිතාන්ය ජනතාවට මෙම නව නීති මගින් ප්රතිලාභ ලැබිය හැකි අතර, 2024 දී පමණක් 620,000 ක පමණ බ්රිතාන්ය ජාතිකයින් පිරිසක් චීනයට සංචාරය කරනු ඇත.
