ඩෙංගු වසංගතයෙන් ආරක්ෂා වීම සඳහා ජනතාව දැඩි අවදානය යොමුකළ යුතු බව සෞඛ්ය අංශ අවධාරණය කරනවා.
දිනකට ඩෙංගු රෝගීන් 700කට වැඩි පිරිසක් වාර්තා වන බවයි ඔවුන් පවසන්නේ.
ඩෙංගු වසංගතයක් බවට පත්වෙමින් පසුගිය සතියේ දිනකට රෝගීන් 1000කට වැඩි සංඛ්යාවක් වාර්තා වූ අවස්ථා ද හමුවු බවයි සෞඛ්ය අංශ පවසන්නේ.
මේ මාසයේ පළමු දින 20ට වාර්තා වු ඩෙංගු රෝගීන් සංඛ්යාව 12,196ක්. ඒ අනුව රෝගීන් වැඩි පිරිසක් මේ වසරේ දී වාර්තා වී ඇත්තේ ද ජූනි මාසයේදීයි.
මේ වසර ආරම්භයේ සිට මේ දක්වා ආසාදිතයන් 46,037 ක් සහ මරණ 28ක් වාර්තා වී තිබෙනවා.
ඉන් 6 දෙනෙකුම වයස අවුරුදු 15ට අඩු දරුවන්.
ඩෙංගු අධි අවදානම් සෞඛ්ය වෛද්ය නිලධාරි කොට්ඨාස සංඛ්යාව 112ක් දක්වා ඉහළ ගොසින්.
ඩෙංගු මර්දන සතිය තුළ පිරිසුදු කිරීම් රට පුරා සිදුකෙරුණා.
