තන­තුරු 7කට නාම­යෝ­ජනා 21ක පොර­යක්

ශ්‍රී ලංකා මලල ක්‍රීඩා සංග­මයේ සභා­පති තන­තු­රට තුන්කොන් සට­නක් නිර්මා­ණය වී ඇති අතර, හිටපු මලල ක්‍රීඩක හා හිටපු සභා­ප­ති­ව­ර­යකු වූ සුනිල් ගුණ­ව­ර්ධන, මලල ක්‍රීඩා තේරීම් කමිටු සභා­පති විශ්‍රා­මික නියෝජ්‍ය පොලි­ස්පති උපාලි කුමා­ර­සිංහ හා වෙළෙඳ සේවා මලල ක්‍රීඩා සංග­මයේ සභා­පති හා වත්මන් මලල ක්‍රීඩා උප සභා­පති ප්‍රසන්න ඉන්දික යන මහ­ත්වරු මුල් පුටුව සඳහා නාම­යෝ­ජනා ලබා දෙති.

ලබන අගෝස්තු 16 වැනි දින පැවැ­ත්වී­මට නිය­මිත ශ්‍රී ලංකා ශ්‍රී ලංකා මලල ක්‍රීඩා සංග­මයේ නිල­ව­ර­ණ­යට අදාළ නාම­යෝ­ජනා කැඳ­වීම ඊයේ අව­සන් වූ අතර, එහිදී ප්‍රධාන තන­තුරු 7කට නාම­යෝ­ජනා 21ක් ඉදි­රි­පත්වී තිබීම කැපී­පෙ­නිණි. නව ක්‍රීඩා රෙගු­ලාසි අනුව තහ­න­ම්කොට ඇති මලල ක්‍රීඩා පුහු­ණු­ක­රු­වන්, මාධ්‍ය ආය­ත­න­වල සේව­ක­යන් හා ක්‍රීඩා සම්ප­ත්දා­ය­ක­යන් කිහි­ප­දෙ­නකු ද නාම­යෝ­ජනා ලබා දී ඇතැයි චෝදනා එල්ලවී තිබේ. මේ පිළි­බ­ඳව විරෝ­ධතා නිල­ව­රණ කමි­ටු­වට භාර­දී­මට පිරි­සක් සූදා­න­මින් සිටින අතර, එම චෝදනා විභාග කිරීම ඉදිරි දින­ව­ලදී සිදු කොට අව­සන් නාම­යෝ­ජනා ලේඛ­නය සකස් කෙරේ.

දැනට මලල ක්‍රීඩා සංග­මයේ කට­යුතු කරන ප්‍රධා­නීන් හය දෙන­කුට නව ක්‍රීඩා රෙගු­ලාසි හේතු­වෙන් මෙවර තරග කිරී­මට නොහැ­කිවී තිබී­මද විශේ­ෂ­ත්ව­යකි. වත්මන් මලල ක්‍රීඩා සභා­පති මේජර් ජෙන­රාල් පාලිත ප්‍රනාන්දු, ලේකම් සමන් කුමාර ගුණ­ව­ර්ධන, භාණ්ඩා­ගා­රික ශාන්ත ද සිල්වා, උප සභා­ප­ති­ව­රුන් වන ජී.එල්.එස්. පෙරේරා, චන්දන ඒක­නා­යක හා අජිත් නාර­ගල යන මහ­ත්වරු නව ක්‍රීඩා රෙගු­ලාසි හේතු­වෙන් තරග කිරී­මට නොහැ­කිව මලල ක්‍රීඩා පරි­පා­ල­න­යෙන් ඉව­තට යනු ඇත.

ක්‍රීඩා සංග­ම­යක කිසි­යම් පුද්ග­ල­ය­කුට වසර අට­කට වඩා වැඩි කාල­යක් සභා­පති, ලේකම් හෝ භාණ්ඩා­ගා­රික ලෙස සේවය කළ නොහැකි අතර, එම කාල­සී­මා­වද ඇතු­ළත්ව සමස්ත විධා­යක කමිටු සාමා­ජි­කත්ව කාලය වසර 12කට සීමා කිරීමේ නව නීතිය අනුව දැනට කට­යුතු කරන ප්‍රබ­ල­යන් හය‍‍ ­දෙ­නාට නාම‍යෝ­ජනා ඉදි­රි­පත් කිරීමේ අවස්ථා අහිමි විය.

මෙවර ලේකම් තන­තු­රට ආසි­යානු මලල ක්‍රීඩා වෛද්‍ය සේවා ප්‍රධානී හා ක්‍රීඩා වෛද්‍ය ආය­ත­නයේ වෛද්‍ය ධම්මික සේනා­නා­යක මහතා ඉදි­රි­පත්ව ඇති අතර, ඔහු සමඟ හිටපු මලල ක්‍රීඩක ෂෙහාන් අඹේ­පි­ටිය හා පුහු­ණු­ක­රු­වකු ලෙස කට­යුතු කළ මාධව බණ්ඩාර සෙන­රත් යන මහ­ත්ව­රුන්ද තර­ග­යට පිවිස තිබේ.

මේ අතර, භාණ්ඩා­ගා­රික තන­තු­රට එච්.ආර්.කේ. හේවගේ මහතා හා උප භාණ්ඩා­ගා­රික තන­තු­රට සංජීව මාලිංග ජය‍සේන මහතා නිත­ර­ග­යෙන් තේරී පත්ව සිටිති.

මෙවර නිල­ව­ර­ණ­යෙන් අන­තු­රුව සභා­පති තන­තු­රෙන් සමු­ගෙන යන මේජර් ජෙන­රාල් පාලිත ප්‍රනාන්දු මහතා පැව­සුවේ නව නිල­ධා­රීන් මලල ක්‍රීඩාවේ දියු­ණු­වට වැඩ කරනු ඇතැයි තමා විශ්වාස කරන බවය.

“ක්‍රීඩා පරි­පා­ල­නයේ සාර්ථ­ක­ත්වය පිළි­බඳ හිතන්න වෙන්නේ ලැබෙන ප්‍රති­ඵල අනු­වයි. මා වසර 13ක් පමණ මලල ක්‍රීඩා පරි­පා­ල­නයේ හිටියා. අපේ ක්‍රීඩ­ක­යන් ලෝක මට්ටමේ පද­ක්කම් දින්නා. විශාල පිරි­සක් ඔලි­ම්පික් සුදු­සු­කම් ලබා ගත්තා. පොදු රාජ්‍ය හා ආසි­යානු තරග බිමේ හොඳ ප්‍රති­ඵල පෙන්නුවා. මොන තරම් ශ්‍රී ලංකා වාර්තා අලුත් වුණාද? ආප­ස්සට හැරී බැලු­වාම කණ්ඩා­ය­මක් හැටි­යට අපි සතුටු වෙනවා. අපි එන­විට මලල ක්‍රීඩාවේ පසු බැසී­මක් තිබුණා. ඒක දියු­ණු­වට පරි­ව­ර්ත­නය කරන්න පුළු­වන් වුණා” ප්‍රනාන්දු මහතා පැව­සීය.

මලල ක්‍රීඩා සංග­මයේ නාම‍යෝ­ජනා මෙසේය.

සභා­පති (තන­තුරු 1යි) – සුනිල් ගුණ­ව­ර්ධන, උපාලි කුමා­ර­සිංහ, ප්‍රසන්න ඉන්දික.

උප සභා­පති (තන­තුරු2යි) – පී.කේ. අළු­වි­හාරේ, අයි.එම්.ජී.එන්. ජය­ති­ලක, ඩී.යූ. කුමා­ර­සිරි, අයි­රාං­ගනී රූප­සිංහ, එස්.ජී.ඒ. සිල්වා, ජයන්ත සිය­මු­දලි, ලාල් චන්ද්‍ර­කු­මාර, කේ.ඒ.එම්. ගුණ­රත්න.

ලේකම් – (තන­තුරු 1යි) – වෛද්‍ය ධම්මික සේනා­නා­යක, ෂෙහාන් අඹේ­පි­ටිය, මාධව බණ්ඩාර සෙන­රත්.

උප ලේකම් – (තන­තුරු 1යි) – වෛද්‍ය ධම්මික සේනා­නා­යක, ෂෙහාන් අඹේ­පි­ටිය, ගීත් මාන­වඩු, ඇලෝයි වික්‍ර­ම­සිංහ, සමීර පෙරේරා.

භාණ්ඩා­ගා­රික – එච්.ආර්.කේ. හේවගේ (නිත­ර­ග­යෙන්)

උප භාණ්ඩා­ගා­රික – සංජීව මාලිංග ජය‍සේන (නිත­ර­ග­යෙන්)