ඉන්දියාව විසින් හිටපු අගමැති ෂෙයික් හසීනා පිටුවහල් කරන තුරු බංග්ලාදේශ අගමැති තාරික් රහමාන් එරට සංචාරය නොකරන බව බංග්ලාදේශය තහවුරු කර ඇත.
2024 වසරේ ඇති වූ විරෝධතා හමුවේ පලා ගිය හිටපු අගමැතිවරිය ඉන්දීය රජය විසින් සිය රටට භාර දෙන තෙක් අගමැතිවරයාගේ ඉන්දියානු සංචාරයක් සිදු නොවන බව එරට විදේශ අමාත්යාංශය දන්වා තිබේ.
ෂෙයික් හසීනාගේ ආණ්ඩුව බිඳ දැමූ මාරාන්තික ආණ්ඩු විරෝධී විරෝධතා වලින් පසු ඇය අසල්වැසි ඉන්දියාවට පලා ගියේය.
මනුෂ්යත්වයට එරෙහි අපරාධ සම්බන්ධයෙන් වරදකරු වී ඇති ඇයට බංග්ලාදේශයේදී මරණ දණ්ඩනය නියම වී ඇති අතර, බංග්ලාදේශ විසින් ඇයව නැවත භාර දෙන ලෙස කිහිප වතාවක්ම ඉල්ලා ඇත.
බංග්ලාදේශයේ පිටුවහල් කිරීමේ ඉල්ලීම “පරීක්ෂා කරමින් පවතින” බව ඉන්දියාව මීට පෙර ප්රකාශ කර තිබුණි.
පසුගිය පෙබරවාරි මාසයේදී බලයට පත් වූ අගමැති තාරික් රහමාන්, බංග්ලාදේශ නායකයන් තම පළමු විදෙස් සංචාරය ඉන්දියාවට සිදු කිරීමේ සම්ප්රදායෙන් බැහැරව මැලේසියාව සහ චීනය යන රටවල සංචාරය කර ඇත.
