කොල්ලකෑමකට අවශ්‍යකර සිටි සැකකරුවන් සිව් දෙනෙකු අත්අඩංගුවට ගෙන තිබෙනවා.
පසුගිය 03 වන දින පදවිය පොලිස් වසමේ බෝගස්හන්දිය ප්‍රදේශයේදී ලොරි රථයක රියැදුරුට පහරදී ලොරි රථය, ජංගම දුරකථන 02 ක්, රුපියල් 80,000/= ( අසූ දහසක් ) කොල්ලකෑමේ අපරාධයක් සම්බන්ධයෙන් පදවිය පොලිසිය මඟින් විමර්ශන ආරම්භ කර තිබුණි.
විමර්ශන නිලධාරින්ට ලද තොරතුරකට අනුව එම අපරාධයට සම්බන්ධ සැකකරුවන් සිව් දෙනෙකු ඊයේ (05) දින අත්අඩංගුවට ගෙන ඇත.
සැකකරුවන් අවුරුදු 28 ත් 43ත් අතර වයස්වල පසුවන පදවිය ප්‍රදේශයේ පදිංචිකරුවන් වේ.
සැකකරුවන් සන්තකයේ තිබී කොල්ලකන ලද ලොරි රථය, ජංගම දුරකථන 02 ක් සහ අත් ඔරලෝසුවක් පොලිස් භාරයට ගෙන ඇත.
පදවිය පොලිසිය විසින් වැඩිදුර විමර්ශන සිදු කරනු ලබනවා.