ගිම්හාන කාලය ලෙස සැලකෙන ජූලි සහ අගෝස්තු මාසවලදී විදේශීය සංචාර සඳහා තෝරාගත් ජනප්‍රියතම ගමනාන්ත තුන අතරට ශ්‍රී ලංකාව ද එක්ව තිබේ. ලොව විශාලතම ජාත්‍යන්තර ගුවන් සේවය වන එමිරේට්ස්හි නවතව ගුවන් ටිකට් පත් වෙන් කරවා ගැනීමේ දත්තවලින් ඒ බව සනාථ වී ඇත.
ඒ අනුව ගුවන් ගමන් සඳහා ශ්‍රී ලංකාව සෙවීම් ප්‍රමාණය 32%කින් ඉහළ ගොස් ඇතැයි එම දත්ත මඟින් පැහැදිලි වී තිබේ.
පොහොසත් සංස්කෘතික වටිනාකමක්, පිරිසුදු වෙරළ තීරයන්, තේ වතු හා සාධාරණ මිලට ලබාගත හැකි සුඛෝපභෝගී අත්දැකීම් සඳහා ශ්‍රී ලංකාව පැහැදිලිවම ප්‍රියතම ගමනාන්තයක් බවට පත්ව ඇතැයි ගුවන් සමාගම පවසයි.
මෙවර ගිම්හානයේදී ජාත්‍යන්තර සංචාර තෝරාගැනීම් ඉතා ඉහළ මට්ටමකට ළඟා වෙමින් ඇති අවස්ථාවක ගුවන් ගමන් ප්‍රවේශ පත්‍ර වෙන් කිරීමේ දත්ත හා ඒ සම්බන්ධ සෙවුම් රට පිළිබඳව එමිරේට්හි නවතම විශ්ලේෂණ ප්‍රතිඵල මඟින් ජූලි හා අගෝස්තු මාසවලදී සංචාරකයන් යෑමට අදහස් කරන ගමනාන්ත පිළිබඳව තොරතුරු හෙළි කර ගනු ලබයි.
මෙවර ගිම්හානයේ සංචාර සඳහා ගුවන් ගමන් සෙවීම පසුගිය වසරට සාපේක්ෂව 7%කින් ඉහළ ගොස් ඇත. වෙනත් රටවලට යන සංචාරවල සෙවීම කැපීපෙනෙන ලෙස 35%කින් වැඩි වී තිබේ. සෙවීම් අතින් පළමු තැන ප්‍රංශයටත් දෙවැනි තැන අයර්ලන්තයටත් හිමිව ඇත. ඉන්පසු කැනඩාව සහ සෞදි ආරාබිය පිළිවෙළින් සිටිති. එමෙන්ම ජර්මනිය හා එක්සත් අරාබි එමීර් රාජ්‍යයද සංචාරක ගමන් ඉල්ලුමක් පෙන්වා තිබේ.
එමෙන්ම මෙවර ගිම්හානයේ සංචාරක ගමනාන්ත අතරින් ඉහළම තෝරාගැනීම ලෙස වියට්නාමය ද ඉදිරියට පැමිණ තිබේ. ඊට ඇති ඉල්ලුම සියයට 61කින් ඉහළ ගොස් ඇත. මුරුසි දූපත් රාජ්‍යය ද 41%ක සෙවීම් ප්‍රමාණයකින් ඉහළ ගොස් ඇත.