ශ්රී ලංකාවේ පැවැත්වීමට නියමිත ඓතිහාසික “සාම පා ගමන” (Walk for Peace) කෙරෙහි දෙස් විදෙස් දැඩි අවධානයක් යොමුව ඇති පසුබිමක, කාගේත් ආදරයට පත් ‘ආලෝකා’ (Aloka) සුනඛයා ද එම ගමනට එක්වන බව නිල වශයෙන් තහවුරු වී තිබෙනවා.
මෙම සංචාරයේ ඇති විශේෂත්වය වන්නේ ආලෝකා සාමාන්ය සුනඛයෙකු මෙන් ගුවන් යානයේ භාණ්ඩ ගබඩා කරන කොටසේ (Cargo) නොව, මගී කුටිය තුළම (In-cabin) ගමන් කිරීමට අවස්ථාව ලබා තිබීමයි.
සහතිකලත් සේවා සුනඛයෙකු (Certified Service Dog) ලෙස ආලෝකාට මෙම වරප්රසාදය හිමිව තිබීම විශේෂත්වයක්.
පූජ්ය පඤ්ඤාකර ස්වාමීන් වහන්සේ ප්රමුඛ මහා සංඝරත්නය සමඟ පැමිණෙන ආලෝකා වෙනුවෙන් ගුවන් යානය තුළ උන්වහන්සේ අසලම විශේෂ ආසනයක් වෙන් කර තිබෙනවා.
මෙම සිදුවීම මිනිස් සහ සුනඛ සබඳතාවයේ නව මානයක් සනිටුහන් කරන්නක් ලෙස විද්වතුන් පෙන්වා දෙනවා.
මීට අමතරව ආලෝකා පිළිබඳව ජන විඥානය තුළ පවතින ආකල්පය ද සුවිශේෂීයි.
පන්සිය පනස් ජාතක පොත් වහන්සේගේ ඇතුළත් ‘කුක්කුර ජාතකය’ සිහිපත් කරමින්, ආලෝකා ද මතු බුදුවීමට පෙරුම් පුරන බෝධිසත්වයකු ලෙස බොහෝ දෙනාගේ ගෞරවාදරයට පාත්ර වී සිටියි.
“ආලෝකා”ගේ මෙම පැමිණීම හරහා මෙරට නිවාස අහිමි සුනඛ ප්රජාව ඇතුළු සමස්ත සත්ව සංහතිය කෙරෙහිම පොදු ජන ආකල්පවල ධනාත්මක වෙනසක් ඇති වනු ඇතැයි අපේක්ෂා කෙරෙනවා.
සත්තව කරුණාව සහ මානව බැඳීම පෙරදැරි කරගත් මෙම අපූර්ව සහභාගීත්වය, මෙරට පැවැත්වෙන සාම පා ගමනට නව අරුතක් සහ ජාත්යන්තර අවධානයක් එක් කරනු නොඅනුමානයි.
ආලෝකා මේ වන විටත් ඉතා උනන්දුවෙන් මෙම සාම පණිවිඩය රැගෙන යාමේ මෙහෙයුමට සූදානම් වෙමින් සිටියි
